Së fundmi, një nga drejtuesit e organizatës së njohur si sekti Rajavi, Mehdi Baraei (me emrin e rremë “Ahmad Vaqef”), në deklarata fyese ka përshkruar popullin shqiptar si “të varfër”, “pa siguri”, “me rroba të vjetra” dhe “që hanë vetëm dy vakte në ditë”.
Si një avokat shqiptar, i angazhuar për vite me radhë në mbrojtjen e dinjitetit dhe të drejtave themelore të njeriut, nuk mund të hesht përballë këtyre fjalëve. Ky është një sulm i hapur ndaj një populli që, me bujari dhe durim, i ka hapur dyert e vet këtij grupi, pavarësisht historisë së tyre të errët.
Shqipëria është një vend i vogël, por me një trashëgimi të madhe kulturore dhe me njerëz që, edhe në ditët më të vështira, kanë ditur të ruajnë dinjitetin dhe pavarësinë e tyre. Vlera e një kombi nuk matet me rrobat apo pasurinë materiale, por me shpirtin e tij të lirë dhe me ndershmërinë që e karakterizon.
Në të vërtetë, varfëri nuk është tek populli ynë, por tek mendësia e atyre që jetojnë prej dekadash në një strukturë sektare dhe ende nuk e kuptojnë respektin e ndërsjellë si themel të çdo mikpritjeje.
Si jurist, dua të theksoj se prania e këtij sekti në Shqipëri nuk ka sjellë dobi, por vetëm tension, pasiguri dhe fyerje për kombin tonë. Është detyrë e shtetit dhe e shoqërisë shqiptare të reagojnë me vendosmëri përballë këtyre sjelljeve dhe të mbrojnë dinjitetin tonë kombëtar.
About the Author
